Попладне и кон крајот на денот на повеќе места во земјава ќе биде нестабилно со пороен дожд и грмежи, локално и во форма на невреме, особено во источните делови. Ќе дува слаб до умерен, а во горниот тек на Повардарието повремено засилен северен ветер. Максималната температура ќе биде во интервал од 25 до 32 степени, информира Управата за хидрометеоролошки работи (УХМР).

И во Скопје попладне и кон крајот на денот ќе биде нестабилно со пороен дожд и грмежи. Максималната температура ќе достигне до 28 степени Целзиусови.

Утре времето ќе биде променливо облачно и нестабилно со повремен пороен дожд и појава на грмежи. Локално ќе има невреме со поинтензивни електрични празнења, силен ветер и услови за појава на град. Во петок ќе има изолирана појава на пороен дожд и грмежи и ќе дува засилен северен ветер. Температурата ќе биде во постепено опаѓање.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.