Циклонот Невен кој полека ја зафаќа нашата територија и веќе условува врнежи претежно од снег и тоа во западните, северозападните и северните предели како и во Скопскиот регион.

Во текот на оваа ноќ врнежите ќе се прошират насекаде со што во најголем дел од државава ќе дојде до формирање на снежна покривка, на пониските места од 5 до 10 цм, на некои места и до 20 цм додека на повисоките места значително ќе се зголеми и тоа за над 20 цм а на високите планини дури и за околу 50 цм.

Уште оваа ноќ ќе започне да дува умерен до засилен ветер од северен правец па така во следните часови како и утре (вторник) поради ниските температури ќе има појава на голомразица па затоа на граѓаните, особено на старите и изнемоштени ги советуваме да бидат КРАЈНО ПРЕТПАЗЛИВИ доколку излегуваат и тоа поради лизгавиот асвалт или пак ако е непотребно да не излегуваат.

На возачите исто така им препорачуваме да бидат КРАЈНО ВНИМАТЕЛНИ и да возат со намалена брзина, особено доколку минуваат низ планинските превои.

Исто така планинарите ВО НИКОЈ СЛУЧАЈ во ваква ситуација да не прават прошетки низ планините поради намалената видливост која се очекува и интензивните снежни врнежи.

Поради разведрувањето особено ниски температури ќе имаме во среда и во четврток наутро кога ќе се спуштаат во интервалот од -10 до -2 степени додека на планинските места истите ќе се спуштат и под -10 степени.

Подготви: Славчо Попоски



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.