Највисока снежна покривка од 40 сантиметри утрово има на Попова Шапка, во Лазарополе 23 и во Маврово 13 сантиметри, информираат од УХМР.

Температурите секаде се над нулата, освен во Лазарополе каде што е измерено минус еден степен Целзиусов. Во Скопје е пет степени над нулата, во Охрид шест, Битола седум, а најтопло е во Штип со осум степени Целзиусови.

Во текот на ноќта беше облачно, во северозападните делови со врнежи од дожд, на планините од снег. Утрово врнежите се проширени во западните и северните делови од земјава. На повеќе места се уште дува главно умерен ветер од јужен правец. Во Скопската Котлина правецот на ветерот се смени во северен.

Температурата во текот на денот ќе се намалува, па мaксималните вредности на повеќето места ќе бидат оние измерени утрово, во интервал од 4 до 10 степени.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.