Времето утрово ќе биде студено, преку ден сончево со мала, а во западните делови со умерена облачност. Ќе дува слаб до умерен ветер претежно од западен правец.

Минималната температура ќе биде во интервал од -10 до -2, а максималната ќе достигне од 4 до 11 степени.

Во Скопје, утрово ќе биде студено, преку денот сончево со мала облачност. Минималната температура ќе се спушти до -8, а максималната ќе достигне 5 степени.

Од УХМР информираат дека утре ќе преовладува стабилно време со ниски утрински температури, кои насекаде ќе се спуштаат под нула и ќе бидат во интервал од -9 до -1 степен.

Од петок ќе преовладува променливо облачно време со повремени врнежи од дожд. На планините и на некои повисоки места врнежите повремено ќе преминуваат во снег.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.