Во некои балкански земји времето личи на вистинска зима, иако е пролет. Снег има во Босна и Херцеговина.

Во повеќето градови температурите се под просекот за мај, а за време на викендот и денеска, на некои места наврна и снег.

Снегот ги покри зелените гранки на овошките и ги загрижи земјоделците. Температурата е до пет степени.

Снег има во Босанска Краина – Приједор, Босански Петров и Цазин, и во Чемерно.

Снег падна и на загрепско излетничко место Сљеме. Во одредени делови на Хрватска температурата беше околу нула степени.

Инаку УХМР за денеска кон крајот на денот и во вторник поради спуштање на студена воздушна маса ќе дува засилен северозападен ветер што ќе предизвика позначително опаѓање на температурите, па во вторник наутро ќе има услови за провејување на слаб снег на повисоките планини.

В среда утрото ќе биде студено, но преку денот ќе преовладува посончево и потопло време.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.