Времето во утринските часови во земјава е магливо или со значителна ниска облачност, а преку денот ќе биде сончево со мала до умерена облачност. Ќе дува слаб до умерен ветер од југозападен правец.

Утринската температура се движи од минус 2 до 3, а дневната ќе биде во интервал од 7 до 15 степени Целзиусови.

Во Скопје, утрово е магливо, а преку ден ќе биде сончево со мала до умерена облачност. Утринската температура се спушти до 1, а дневната ќе достигне 9 степени Целзиусови.

Под влијание на влажен бран од петок попладне до недела ќе преовладува облачно време со врнежи од дожд, а на планините со снег.

Поради продор на студена воздушна маса од север, во сабота кон крајот на денот висинската граница на снежните врнежи ќе се спушти и под 1000 м, па особено во западните и северните делови од земјава ќе има снег на повисоките населени места и понекаде ќе провејува и на пониските.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.