Утрово во Македонија е постудено, а преку ден времето ќе биде претежно сончево со мала до умерена облачност, особено во западните делови. Ќе дува слаб до умерен ветер од јужен правец.

Утринската температура се движи од минус 2 до 3, а дневната ќе биде од 9 до 15 степени Целзиусови.

Во Скопје, претежно сончево со слаб ветер од југоисточен правец. Утринската температура се спушти до нула, а дневната ќе достигне 11 степени Целзиусови.

Во сабота ќе преовладува стабилно и суво време. Претпладне со услови за слаба магла по одделни котлини, преку денот сончево со мала до умерена облачност. Попладне облачноста ќе се зголемува и во текот на ноќта кон недела ќе има врнежи од дожд. На планините на северозапад врнежи од снег.

Во недела и во следните два дена ќе преовладува променливо облачно време со врнежи од дожд со променлив интензитет. На планините и на некои повисоки места врнежите ќе преминуваат во снег.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.