Tриесет и двегодишната Таниа М.А. од Сарагоса, Шпанија, доби доживотна забрана за влез во сите продавници на „Зара“ во шпанскиот регион Арагон.

Младата Шпанка е осудена и на шест месеци затвор, а казните ѝ следуваат поради злоупотреба на правата за враќање на стоката.

Таниа ќе купела неколку парчиња, после некое време ги симнувала етикетите од новата облека и ги ставала на старата облека од „Зара“, а потоа барала враќање на парите, под изговор дека облеката не ѝ одговара. Со тек на време, таа им станала сомнителна на продавачите, по што ја сфатиле нејзината измама, која траела 15 месеци.

Фактот дека и внатрешните и надворешните ознаки и етикети соодветствувале и беа прецизно поставени на облеката во слична нијанса, покажува дека тактиката и желбата да профитира биле тенденциозни со цел да го опреми целиот гардеробер, а за тоа да не мора да плати ништо, напротив, дури и да добие средства, пишуваат локалните медиуми.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.