Белгискиот мастер шеф, Марк Де Јонг секогаш трагајќи по различни „мисии” кои се тесно поврзани со кулинарството, традицијата и вредностите ќе биде шеф, домаќин на осумнеделниот курс за готвење на француска кујна во Центарот за иновации „Јавна соба“.

Потребни се иновации, дури и во моментот кога се обидуваш да го организираш слободното време. Размислував многу за близината на француската кујна со оваа нашата, македонската! Природните состојки и малку љубов верувајте даваат фантастично уживање за непцата. Осум неделниот курс е доволно за да се навлезе во тајните и начинот на подготовка на француските специјалитети (багет, супа од кромид, џигер од патка, различни pate-a, дресинг (сосеви), месо и друго. Но, најважниот момент е кулинарскиот менаџмент, односно менаџирање на процесите за подготовка на храна и одличната атмосфера каде верувајте ќе стекнете нови пријателства, вели шефот Марк де Јонг.

Со завршување на курсот, секој дома ќе си понесе неверојатно искуство, професионални техники на готвење и тајните на француските рецепти.

Програмата е дизајнирана на модел на практична работа која ќе ја пренесува Мастер Шефот Марк, кому француската кујна му е специјалност. Сè ќе се одвива на база на кулинарска демонстрација која подоца истата учесниците ќе ја подготвуваат самостојно или во пар.  Овој курс е наменет за сите оние кои душата си ја негуваат запознавајќи нови вештини, луѓе кои сакаат да дебатираат на најразлични теми преку добра храна и чаша вино, индивидуаци, гастрономи во душата, оние на кои кујната им е простор за инспирација.

Пријавувањето за курсот со Мастер Шеф Марк Де Јонг трае до 16. февруари, а програмата започнува на 20.февруари. Пријавете се со испраќање на e-mail на: info@publicroom.org.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.