Принц Филип во една пригода изјавил дека тајната на неговиот долг брак со кралицата Елизабета Втора е во толеранцијата, бидејќи сè е добро додека сè е во ред, но кога нештата ќе тргнат наопаку, толеранцијата е неопходна. Покрај оваа мудрост, дознајте што уште ја дефинирало и одржало љубовната приказна на Елизабета Втора и принц Филип.

Се запознале кога биле млади
Ако се прашувате како овие две „гулапчиња“ се повеќе од 70 години во брак, одговорот лежи во фактот што се запознале многу рано. Кралицата Елизабета Втора тогаш имала само 13 години, а принц Филип имал 18.

Елизабета Втора и Филип се роднини
Станува збор за еден вид традиција која овозможува да се продолжи кралската лоза и да се одржи поцврста. Интересно е тоа што кралицата Елизабета Втора и принц Филип се во сродство преку две линии. Едната вода од кралицата Викторија, а другата од кралот на Данска, Кристијан Деветти.

Не станува збор за договорен брак
Договорените бракови се честа појава во кралските семејства, но тоа не било случајот со кралицата Елизабета Втора и принц Филип. Откако се запознале како тинејџери, се родила љубов, а и Филип оставил крајно позитивен впечаток на тогашниот крал, таткото на Елизабета.

Нивната врска на почетокот била тајна
Бидејќи биле многу вљубени еден во друг, кралицата Елизабета Втора и принц Филип сакале да се венчаат во 1946 година. Сепак, биле премногу млади и морале да почекаат Елизабета да наполни 21 година.

Филип се откажал од тутунот поради Елизабета Втора
Иако принц Филип бил страстен пушач, таа негова навика многу ја нервирала кралицата Елизабета Втора. Една од причините за тоа е што истата зависност од тутун ја имал и нејзиниот татко. Поради тоа, на денот на венчавката Филип засекогаш се откажал од цигарите.

Најубавите години ги поминале на Малта
Ова бил нивниот најнормален период, бидејќи штотуку се венчале и имале едно дете. Елизабета Втора тогаш сè уште не била кралица, а принц Филип служел војска на Малта, така што немале посебни формални обврски поврзани со кралското семејство.

На Филип му било тешко кога Елизабета Втора станала кралица
Бидејќи Елизабета Втора станала кралица, принц Филип морал да се откаже од некои важни работи. Една од нив била кариерата, а друга селидбата во Бакингемската палата. Многумина велат дека принц Филип бил алфа маж, кој повеќе не бил задоволен од својата титула и положба.

Секој има своја одвоена спална соба
И кралицата Елизабета Втора и принц Филип имаат свои посебни спална соба. Тоа не е нешто невообичаено кај високите сталежи, особено поради тоа што спалните соби им се поврзани, па можат слободно да одберат дали ќе спијат заедно или одвоено.

Филип има чуден прекар за Елизабета Втора
Тешко е да се замисли некој како ја нарекува кралицата Елизабета Втора поинаку од „Ваше величество“, но принц Филип сепак има необичен прекар за својата сопруга. Кога е намуртена или кога тешко се насмевнува во јавност, тој ѝ вели: „Не изгледај толку тажно, колбасичке“.

Кружеле гласини за неверството на Филип
Шпекулации за неверството на Филип се појавиле во 1950-те години, па кралското семејство морало да ги негира преку официјални изјави. Меѓутоа, Сара Бредфорд, која ја напишала биографијата на кралицата Елизабета Втора, тврди дека Филип продолжил да има љубовни афери, но меѓу своите благородни пријателски врски за да не биде откриен.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.