Во јужниот кинески град Шенжен беше наредена итна евакуација откако необјасниво почна да се ниша една од највисоките згради во Кина, облакодерот „СЕГ Плаза“, кој е висок скоро триста метри.

Завршена во 2000 година, во срцето на еден од најбрзо растечките градови во Кина, кулата е дом на еден од најголемите пазари на електроника и има различни канцеларии.

Агенцијата за управување со вонредни состојби истражува што предизвикало нишање на облакодерот.

По проверка и анализа на податоците на различните станици за набљудување на земјотреси низ градот, беше заклучено дека немало земјотреси во Шенжен. Причината за нишањето се проверува од различни причини – се вели во соопштението.

Засега е непознато што ќе стори владата во случајот со опасната зграда од оваа големина, лоцирана во центарот на градот со 12 милиони жители.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.