Американскиот претседател Доналд Трамп денеска на Твитер објави дека Сиетл, каде родолжуваат протестите поради расната дискриминација и полициска бруталност, е преземен од терористи.

Локалните терористи го презедоа Сиетл, кои, се разбира, се контролирани од радикалните левичарски демократи – напиша Трамп на Твитер и побара воспоставување на закон и ред.

Тој  упати и критика до „радикалната левичарска“ локална власт пoради нивното справување со демонстрациите и ги повика гувернерот на Вашингтон, Џеј Инсли и градоначалничката на Сиетл, Џени Деркан да воспостават контрола.

Вратете си го градот СЕГА. Ако вие тоа не го направите, ќе го направам јас. Ова не е игра. Тие ужасни анархисти треба да бидат запрени ВЕДНАШ. РЕАГИРАЈТЕ БРЗО – напиша Трамп на Твитер



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.