Петгодишно момче било фатено како го вози автомобилот на своите родители на автопат во Јута на пат за Калифорнија да си купи „ламборгини“, пренесува „Њујорк пост“.
Детето возело неколку километри од неговиот дом во Огден на автопатот I-15 додека не го запрела државната полиција во Јута.
Полицајците првично помислиле дека возачот е инвалидизирано лице, но наскоро откриле дека нивниот прекршител всушност е дете со страст за луксузни автомобили.
Момчето им рекло дека си заминало од дома по расправија со мајка си во која таа одбила да му купи „ламборгини“. Затоа, тој реши да оди сам.
„Можеби ќе имаше проблем во купувањето бидејќи во неговиот паричник имаше само 3 долари“, се пошегува државната полиција на Твитер.
Нивниот пост вклучува фотографија од момчето во сив џемпер и шарени шорцеви во автомобилот на родителите. Полицијата не спомна казна за момчето, но родителите сигурно го пратиле гладен в кревет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.