Фан-страната на Тоше Проески сподели интересна фотографија која предизвика низа коментари на социјалните мрежи.

Имено станува збор за прославата на 34-от роденден во 2015 година, но оваа слика повторно се рашири низ интернетот. На Гумење во Крушево во Спомен-куќата на балканската поп звезда Тоше Проески неговите најверни поддржувачи од Македонија од Хрватска и од Србија дојдоа да го одбележат неговиот 34-ти роденден, да го посетат неговото вечно почивалиште и да ги промовираат неговите најнови музички остварувања и видео спотови.

За хрватските фан поддржувачи на Тоше има само еден ден – денот кога тој се роди. Во Спомен-куќата вчера беа промовирани нови експонати – дел од омилената гардероба што неодамна ја преотстапи семејството Проески.

Вечното почивалиште на Гумење, и манастирот Свето Преображение, во изминативе години го посетиле над 2 милиони поддржувачи, а за 7 години откако е отворена спомен куќата на Проески повеќе од 200 илјади посетители – тврдат од фондацијата Тодор Проески.

Делот со интересната фотографија можете да го погледнете на самиот крај од видеото.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.