Повеќе од 350 научници и конзерватори од 40 земји потпишаа отворено писмо во кое се повикуваат на глобална акција за заштита на китовите и делфините од истребување.

Тие велат дека повеќе од половината од сите видови се загрозени, но дека две врсти се „на работ на истребување“.

Недостатокот на конкретни процедури за заштита на животните во загадени и преексплоатирани мориња доведе до фактот дека многу видови ќе исчезнат за време на нашите животи, се наведува во писмото.

Дури и познатите големи китови не се безбедни.

Нека биде ова историски момент за да разбереме дека китовите се во опасност и дека треба да се започне со силен бран во кој треба да учествуваат сите: носители на одлуки, научници, политичари и јавноста за да ги спасиме нашите океани, рече Марк Симондс.

Иако китовите во поголемиот дел од светот се опоравиле од организираниот лов, сега тие се соочуваат со безброј други закани поради човечките активности, како што се загадувањето со пластика, губењето на живеалиштата и пленот, климатските промени, но и судирите со бродовите.

Убедливо најголемата закана е случајното заловување во мрежи за риболов, кое убива 300.000 китови и делфини годишно.

Стотици научници ја изразија истата загриженост – дека се приближуваме до висок степен на истребување што може да се спречи. И, ако не се дејствува сега, на идните генерации ќе им биде ускратена можноста да се сретнат со овие интелигентни, пријателски и инспирирани суштества.

Особено се загрозени два видови – китот од Северниот Атлантик, од кој се останати само неколку стотици, и видови  делфини  пронајдени во Калифорнискиот Залив, од кои остануваат само 10.

Научниците наведуваат дека е скоро неизбежно овие два вида да исчезнат – како кинескиот речен делфин.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.