Неодамна, на Инстаграм, се појави профил world_record_egg, кој многу брзо стана вирален хит и многу јасно даде до знаење што сака да постигне на оваа социјална мрежа.
На целиот профил има само една објава – слика од јајце, а целта е единствена – да го сруши рекордот на „најлајкана“ објава на Инстаграм, рекорд кој моментално го држи Кајли Џенер со 18 милиони „допаѓања“ со фотографијата од рачето на нејзиното бебе.
Јајцето собра неверојатни 30 милиони „допаѓања“. Интересно е што вчера, во само три часа од денот, бројот на „лајкови“ скокна од 14 на 18 милиони „допаѓања“.
„Кајли Џенер го држи рекордот за најмногу лајкови на објава на Инстаграм со 18 милиони допаѓања. Дали можеме да го срушиме со фотографија од јајце?“, стои во описот од профилот кој моментално го следат 3,4 милиони „следбеници“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.