Во 2020 година во ЕУ биле направени вкупно 1,9 милиони тони кафе, што е пораст од 10 проценти споредено со 2010 година. Во истиот период, во Македонија биле направени 4,1 илјада тони кафе, покажуваат податоците на Евростат, објавени по повод Меѓународниот ден на кафето – 1 Октомври.

Вкупната вредност на произведеното кафе во ЕУ изнесува 11 милијарди евра.

Според податоците на Евростат, во регионот најмногу кафе се прави во Србија – 20,4 илјади тони кафе, потоа Грција – 14,6 илјади тони, Босна и Херцеговина – 11,6 илјади тони, Храватска – 10,7 илјади тони, потоа Македонија – 4,1 илјада тони, Бугарија – 1,4 илјади тони и Црна Гора – 1,05 илјади тони кафе.

Најголем производител на пржено кафе во ЕУ е Италија со 616 илјада тони или 32 проценти од вкупното прозиводство на ниво на цела ЕУ, по што следуваат Германија со 571 илјади или 30 отсто, Франција 149 илјади или 8 проценти.

Во 2020 година во ЕУ се увезени вкупно 2,9 милиони тони кафе, што е раст од седум проценти споредено со 2010 година.

Најголем дел од кафето се увезува од Бразил – 32 проценти и Виетнам – 22 проценти, по што следуваат Хондурас – 7 проценти, Уганда – 6 проценти и Колумбија – 5 проценти.

Околу 38 проценти од целиот увоз на кафе е направен од Германија, по што следуваат Италија – 19 проценти, Белгија – 11 проценти, Шпанија – 9 проценти и Франција – 7 проценти.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.