Хотел во Србија стана кластер на ковид-19, откако била организирана роденденска забава на која имало повеќе од 100 гости. Забавата ја правел помошникот на градоначалникот.

Кластерот е откриен во хотело „Гејзер“ во Сијаринска Бања, на југот на Србија. 68 лица биле позитивни на коронавирус, а тестирањето било спроведено во неделата од Институтот за јавно здравје Лесковац на вкупно 179 лица – 144 гости и 35 вработени.

Резултатите покажаа дека 54 гости и 14 вработени се позитивни, дознава агенцијата Фонет.

Меѓу позитивните, 13 имаат симптоми, додека останатите се, засега, без никакви симптоми.

Исто така се дознава дека 57 од позитивните се вакцинирани.

Но, не се тестирани повеќе од 100 гости кои биле на приватна прослава на детски роденден, која во хотелот била организирана во саботата од помошникот на градоначалникот.

На прославата присуствува и претседателот на општината, Небојша Арсиќ, кој по професија е лекар и командир на Штабот за вонредни состојби во оваа општина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.