Американскиот актер, сценарист и продуцент, Пол Рад (52), е прогласен за најсекси маж на планетата, според изборот на списанието „Пипл“.

Познат, меѓу другото и по улогата во филмот „Човекот-мравка“ (Ant-Мan), Рад има кариера од над 30 години и околу 130 филмски и ТВ-проекти зад себе, меѓу кои и споредната улога во „Пријатели“.

Тој се изненадил кога ја слушнал веста, како и неговата сопруга.

Имам доволно свесност за да знам дека, кога луѓето ќе слушнат дека сум избран за оваа титула, ќе кажат „Што!?“ …Ова не е лажна скромност. Навистина има многу други луѓе кои требаше да го добијат ова (признание) пред мене! – вели тој за „Пипл“.

Тој додава дека и неговата сопруга Џули, со која е во брак 18 години, била изненадена.

Годинава, Пол Рад е актуелен со филмот „Истерувачи на духови: Животот потоа“, како и сериите „Што ако…?“ и „Психијатарот од соседството“, а се снима и суперхеројскиот „Квантиманија“ закажан за 2023 година.

Пред неколку дена порталот „Пејџ сикс“ и повеќе светски медиуми пренесоа дека титулата „најсекси маж“, според „Пипл“, ќе ја понесе Крис Еванс. Оваа вест одекна во светот, но блескавата титула во последен миг, сепак, ја доби Рад.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.