2022 година како број содржи три двојки, што има посебна симболика во нумерологијата.
Годината што доаѓа е специфична, меѓу другото, и по тоа што во својот состав има три двојки. Која е симболиката на бројот 2022 во нумерологијата и што може да ни донесе?

Бројот 2 значи двојност, рамнотежа и приспособливост, вера и доверба, соработка и дипломатија. Овој број претставува и љубов, семејство и партнерство, односно пар.
Во овој случај, имаме три двојки (222), а тоа има повеќе значење – порака на надеж, дека можете да се издигнете над секоја ситуација и тешкотии. Тоа означува рамнотежа на животни избори, посветеност, компромис и доверба. Тоа е порака дека треба повеќе да работите на љубовта кон другите, да се посветите со полно срце и цело битие.
Кога ќе го видите бројот 0, тоа значи нулта точка, каде се започнува и каде се’ завршува. Нулата има моќ да ги засилува енергиите, правејќи го секој број помоќен и повлијателен.
Тајното значење на 2022 година е успехот. Со други зборови, кога ќе ја видите оваа бројка, тоа е знак дека сте на вистинскиот пат. Доколку продолжите да бидете амбициозни, посветени на вашето највисоко добро и да работите како досега, вашите соништа имаат големи шанси да се остварат. Светот не функционира случајно, затоа секогаш треба да верувате во она што го правите, да ја слушате вашата интуиција и секогаш да имате на ум дека сè може да се промени на подобро.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.