За астро предвидувањата на најпознатиот руски астролог Павел Глоба велат дека се 85% точни. За престојната 2022 година, Глоба тврди дека генерално ќе биде позитивна за сите знаци од Зодијакот, но дека за два од нив сè ќе оди како подмачкано.

Овен

За вас 2022 година ќе биде позитивна во сите аспекти и ќе ги постигнете повеќето од целите кои сте ги поставиле. Овенот ќе може да изгради добар темел за стабилен и сигурен живот. Најповолен период е втората половина од годината. Она што може да биде опасно за Овенот во наредната година се хаотичните и импулсивни постапки. Обидете се да ги контролирате, постои опасност скапо да ги платите грешките.

Бик

Ќе имате одредени препреки на патот, но нема да се откажувате, а ве чекаат големи работи, барем кога е кариерата во прашање. Логиката и трудољубивоста можат да ве доведат до животни промени. Поголемиот дел од вашата енергија ќе биде насочена кон подобрување на вашата финансиска состојба, што може да го оттргне вашиот фокус од приватниот живот. Сепак, врската која Бикот ќе ја започне во 2022 година ќе има цврста основа и ќе се покаже како многу важна за неговата иднина.

Близнаци

За Близнаците, 2022 година е вистинско време да напредуваат во бизнисот или да ги подобрат своите финансии. Ќе имате многу интересни идеи и размислувања, но и сила да ги спроведете во пракса. Во случај да се двоумите, ѕвездите ќе ви кажат да не се откажувате. Најмногу инспирација ќе имате во јули, и не плашете се, сè укажува на тоа дека ќе успеете во што и да се обидете! Кога станува збор за љубовта, првиот квартал од годината не носи ништо возбудливо, но во мај пристигнува позитивен аспект. Тогаш ќе добиете можност да ја зацврстите врската која веќе ја имате или да влезете во стара врска, но со нова енергија.

Рак

Оваа година ќе донесе рамнотежа и стабилност во вашиот живот. Ќе почнете да работите на различни проекти, а тоа може да ви донесе напредок во кариерата. Исто така, во 2022 година конечно ќе имате доволно време за одмор и духовно закрепнување. Слушајте се себеси и не дозволувајте надворешните околности да ви ги нарушат плановите.

Лав

И во изминатава година имаше многу околности кои беа во ваша корист, па така ќе остане и во оваа. Имате сигурен темел за иднината. Во 2022 година ќе се посветите на само-развој и уживање, со стремеж за успех и големи амбиции. Ќе се соочите со мали неволји, но привремени, па не дозволувајте да ви го нарушат расположението.

Девица

Почетокот на 2022 година ќе биде одличен за Девицата, а ќе ви излезат бројни можности за добри промени. Сè што ќе почнете да работите значително ќе го подобри вашето финансиско поле, но и кариерата. Она што ќе ви треба е вашата иницијатива и решителност. Клучот за успехот е да поставите приоритети и да не губите време и енергија на она што нема перспектива. Многу Девици ќе купат недвижен имот, деловен простор или имот оваа година. Исто така, ова е добра година за проширување на семејството; брак или дете.

Вага

Вагите ги очекува среќна и пријатна 2022 година. Ќе имате доволно енергија за нови активности, или за оние кои долго време ги одложувате. Ве очекува успех во сите области од животот. Ќе се подобри вашата способност за самодисциплина, силна волја и упорност, а ѕвездите ќе ви се насмевнат и кога станува збор за љубовта. Вашиот однос ќе функционира добро, како со партнерот, така и со пријателите и колегите.

Скорпија

Скорпиите ќе поминат низ период на значајни промени во животот. Треба да се подготвите за хаотични настани кои тешко дека ќе ги избегнете. Но, не мора сè да биде лошо, напротив. Треба да поставите јасни приоритети и да ја одредите насоката во која сакате да одите. Бидете силни и упорни и успехот нема да изостане. Ве очекуваат убави моменти во личниот живот, особено во април и ноември, кога е можно да започнете нова врска.

Стрелец

Стрелецот без проблем ќе ја искористи оваа година на најдобар можен начин! Од мај до октомври ве очекува најуспешниот период и ќе уживате во остварувањето на вашите соништа и планови. Најважно е дека во 2022 година нема да ги заборавите минатите искуства и научените лекции од нив, бидејќи ова ќе биде година кога ќе можете да ги исправите последиците од претходните погрешни одлуки.

Јарец

Ова ќе биде одлична година за вас! Конечно ќе ја најдете вистинската среќа, успех и задоволство! Ова ќе се случи не само затоа што ѕвездите ви се наклонети, туку и поради внатрешната промена. Ќе сфатите дека пречките се далеку помали отколку што мислевте. Ако имате партнер, ќе бидете исполнети и сакани. Почетокот на годината ќе биде одличен, но и сите наредни месеци.

Водолија

На прагот сте на неограничени можности, во 2022 година ќе имате активен, успешен и среќен период. Имате многу идеи и големи амбиции, но најдобро е да се фокусирате на само неколку од нив, за да не се преоптоварите. Последните два месеци од годината имаат период на сумирање на сè што сте направиле, а ѕвездите ви порачуваат тогаш да не се впуштате во нови проекти и планови.

Риби

За Рибите 2022 година нема да биде година од соништата, но нема да биде ниту тешка. Ќе успеете да се носите со сите предизвици и удари, а ни лошите околности нема да ви бидат тешки. Во текот на целата година ќе бидете исполнети со позитивна енергија и мотивација. Доколку се стремите кон напредок во животот, најдобро е да преземете некои чекори во првата половина од годината, и да бидете упорни и лесно да не се откажувате.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.