На бројчаните низи во нумерологијата и спиритуалноста се гледа како на ангелски броеви, зошто низата на броеви носи моќни пораки од Универзумот.

12 декември, односно 12-тиот ден од 12-тиот месец, важи за најмоќниот ден во годината кога се отвара порталот со број 12. Оваа низа ја носи потребната енергија за позитивна трансформација, како врз вас, така и врз односите со другите, пишува „Lovesensa“.

Оваа нумеролошка низа ќе му донесе на секој од нас одредена моќна порака од Универзумот. На пример, ако сте на погрешен пат, ќе ви се појави чувство што ќе ве охрабри да се вратите на крстосницата на животот и да одберете добар пат за себе. Или, ќе станете свесни за вашите грешки од минатото и ќе знаете кои аспекти од вашиот живот треба да се променат за да станете најдобрата верзија за себе.

Во 2020 година, бројот 12.12. е посебен и различен затоа што се случува истовремено со големата конјукција на Сатурн и Јупитер, односно големата доба на Водолија.

12 е моќен број во нумерологијата, кој симболизира позитивни промени, но тие се јасни, лесни и директни. Тој означува крај на еден циклус и отворање на нови врати во животот во кои ќе можете да се соочите со предизвиците и да пронајдете повеќе надеж за годината што доаѓа.

Единицата претставува нов почеток и лидерски способности, а двојката е број на рамнотежа и хармонија. Кога се комбинираат, тие даваат моќна низа и силна енергија што поттикнува самореализација.

Во астрологијата оваа бројка се совпаѓа со спојот на Сатурн и Јупитер, редок астро аспект што носи среќа и шанса за просперитет.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.