Во ексклузивното интервју за Ал Џезира, талибанскиот лидер Сухаил Шахин порача дека меѓународната заедница мора да ги почитува желбите на авганистанскиот народ.

Талибанскиот „Исламски емират“ е „подготвен за инклузивност, но не и за селективност – изјави водачot на групата, како одговор на притисокот од Западот за формирање инклузивна влада во Авганистан.

Талибанците велат дека припадниците на етничките малцинства се застапени во владата формирана минатиот месец и дека жените ќе бидат „додадени подоцна“.

Талибанците не беа отворени за американскиот предлог за вклучување на членови на претходната влада во „инклузивна“ влада, велат извори за Ал Џезира.

Авганистанската група која на 15 август ја презеде власта во земјата бара меѓународно признавање на Исламскиот емират во Авганистан (ИЕА), но Западот инсистира дека признавањето ќе зависи од тоа како талибанците се однесуваат кон жените и малцинствата.

Честото затворање на средните училишта за девојчиња и убиствата на Хазарите предизвикаа критики од групите за човекови права и предизвикаа загриженост во западните земји.

Изјавите на Шахин доаѓаат откако талибанската делегација предводена од Амир Кан Мутаки, кого талибанците го именуваа за министер за надворешни работи, пристигна во Доха на разговори со катарските претставници и претставници на други земји, вклучително и САД.

Американските функционери, вклучително и оние од разузнавачката служба и Стејт департментот, ќе ја имаат првата средба лице в лице со талибанските претставници откако американските војници се повлекоа од Авганистан на 30 август.

Безбедносните агенции на регионалните и меѓународните сили, исто така, очекуваат да разговараат со талибанската делегација, во која се вклучени шефот на разузнавачката служба мула Абдул Хак Васик, министерот за информации и култура мула Хаирулах Каирхва и шеикот Шахабудин Делавар.

Маулви Дилавар е еден од основачките членови на талибанскиот преговарачки тим во Доха. Тој беше испратен од мула Мохамед Омар, основач на групата, да основа политичка канцеларија во Доха. Дводневниот состанок почна денеска.

Шахин во четвртокот имаше средби со амбасадори и претставници на неколку земји, вклучувајќи ги Велика Британија и САД.

Талибанците инсистираа дека САД треба да го почитуваат договорот од 2020 година, потпишан во Доха, и да ги укинат санкциите и да ги одмрзнат средствата на авганистанската централна банка во вредност од неколку милијарди долари. Многу талибански лидери, вклучувајќи ги и актуелните министри, се уште се на црната листа на ОН и САД.

Меѓународните финансиски институции како ММФ го суспендираа пристапот на талибанците до фондови, што тешко ја погоди економијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.