Поранешните професионални војници кои се уште работат во Министерството за одбрана ќе бидат вклучени за директно обезбедување во редарската служба во болниците, потврди за МИА министерката за одбрана Радмила Шекеринска.

Денеска разговаравме дека директното обезбедување за редарската служба најверојатно ќе го реализираме со еден дел од поранешните професионални војници кои сеуште работат во Министерството за одбрана и тие ќе бидат првата линија на поддршка. Тие нема да бидат ниту униформирани, ниту вооружени, но ќе обезбедат ред и информации за граѓаните, соопшти Шекеринска.

Министерката информираше и дека дополнително на денешната седница на Главниот штаб се согласиле дека одреден број на санитетски возила со возачи од страна на Армијата да бидат отстапени за некои болници и на клиниките во Скопје.

Согласно одлуката на претседателот, Армијата има различни и задачи, да обезбедуваа медицинска поддршка со медицински сили. ВБЦ отстапува еден дел од својот состав и персонал за земање брисови, за епидемиолишки анализи, во поддршка на други институции за транспорт, истакна Шекеринска.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.