Премиерот Зоран Заев денеска го посети Пустец, каде донираше дидактички средства и книги за тамошните ученици. Тој соопшти дека за училштето во Пустец се обезбедени 30.000 евра средства обезбедени од донации за уредување и изградба на спортски терени во училштето,од кои дел се дониране денеска, а дел ќе бидат донирани во февруари.

На новинарско прашање околу односите со Бугарија, како што пренесува Топ чанел, Заев рекол дека се работи на отстранување на проблемот за кој „не знаеме што е проблемот“.

Ние не се откажуваме од нашиот македонски идентитет и Бугарија нема причина да покренува други претензии. Ние сме пријателски земји и треба да се помагаме, за да одиме напред и целот Балкан да оди напред – рекол Заев.

Според Топ чанел телевизија, неотпочнувањето на преговорите со ЕУ, тој го оценил како разочарување од ЕУ, бидејќи, како што рекол и Албанија и  Македонија ги заслужија преговорите.

Добивме едно големо разочарување и тага од ЕУ, но двете држави треба да работиме за да го продолжиме европскот пат, зашто друга алтернатива немаме. Ние сме пријателски земји и се надевам дека така и ќе останеме. Пандемијата донесе проблеми,но ние одиме напред кон интеграцијата. Имаме заеднички патишта кон ЕУ. Скопје и Тирана ги заслужија преговорите – рекол Заев.

Меѓу другото додал дека со своите соработници денеска донрале книги, за да може децата тука да учат на мајчин јазик.

ие денес донесовме книги за да им помогнеме на учениците. Во Македонија Албанците учат на албански. Истото тоа го гледаме во Албанија, каде во областите каде живеат Македонци се учи на македонски јазик. Албанскиот е втор службен јазик во  Македонија. Нашата Влада донираше за да се изгради училиштето, но, ќе прави и други вредни работи за заедницата – рекол Заев, пренесува агенцијата Балкан веб.

Со Заев во Пустец бил Васил Стерјовски, претседател на Македонска алијанса за европска интеграција и пратеник од оваа партија во албанскиот Парламент.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.