Ние со Бугарија продолжуваме да градиме пријателски односи, бидејќи ни треба решение. Затоа што треба да одиме во ЕУ и да ја исполниме втората еднакво значајна цел по НАТО. Јас сум горд и сум среќен што доживеав за време на мојот мандат како премиер, Република Македонија да биде членка на НАТО. Тоа е остварување на стратешка цел утврдена уште во 1993 година со Резолуција донесена од Парламентот, истакна претседателот на Владата на Република Македонија Зоран Заев во емисијата „Само вистина“ на Канал 5 и дополни дека НАТО освен стабилност и безбедност, значи и потврда за територијалниот идентитет и суверентитетот на државата.

Премиерот Заев посочи дека португалското претседателство изнесе јасно решение што е македонски јазик и идентитет, а тоа го презеде и актуелното словенечко претседателство со ЕУ и со Бугарија воопшто не се разговара за јазикот и идентитетот.

Заев: Да не се надеваме ништо во септември, ништо во октомври, ништо во ноември, туку во декември. Мицкоски: А што се надевавте тогаш во авиончето?

Тој истакна дека се зборува за патоказ со кој ќе се унапредат меѓусебните односи и поефикасно ќе го спроведеме Договорот за пријателство и добрососедство.

Премиерот Заев наведе дека посакува во Бугарија да се формира политичка, како што истакна пред сè тоа е значајно за бугарските граѓани да имаат стабилна Влада, но и да се добие можност за изнаоѓање на взаемно решение.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.