Премиерот Заев и лидерот на ДУИ Ахмети остварија средба за започнување процес за зајакнување на кадровските капацитети на владините институции за подобри економски резултати, соопштија од владината прес служба.

Оттаму посочуваат дека Претседателот на Владата, Зоран Заев и претседателот на ДУИ, Али Ахмети остварија средба со која започнаа разговорите за детектирање одредени слабости кај дел од функционерите од извршната власт.

На средбата е договорено дека ќе следуваат консултации во двете политички партии на чие чело се двајцата лидери, по што разговорите ќе продолжат.

Целта на овие иницијативи е обезбедување кадровски решенија за зајакнување на капацитетите на институциите, во насока на исполнување на подобри резултати на економски план и исполнување на очекувањата на граѓаните, стои во соопштението од Владата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.