Врховниот суд утре ќе одржи општа седница на која, според дневен ред, ќе се разгледуваат седум точки – иницијативи.
Меѓу овие седум точки е и иницијативата за начелен став и начелно правно мислење на адвокатот Радован Бурјакоски. На дневен ред е и иницијативата за начелен став и начелно правно мислење и на адвокат Светлана Савиќ за прашањето дали СЈО може пред Судот како доказ во постоечките судски процеси да изнесува нови телефонски разговори кои не биле дел од доказите во обвинението.

Претходно, Врховниот донесе начелен став и начелно правно мислење според кое бомбите, односно прислушуваните разговори не може да бидат користени како докази во постапки по 30 јуни 2017 година.

На седницата ќе биде разгледана и иницијативата за правно мислење во постапки за судии, да се применуваат одредбите од новиот закон кој предвидува поблаги казни за таа намена за разлика од стариот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.