Во партијата се случуваа многу сомнителни работи, откри поранешниот потпретседател на Интегра, Воислав Зафировски, кој во вчерашната емисија „Заспиј ако можеш“ на „Алфа“ говореше за случувањата во неговата поранешна партија.

Зафировски, кој пред само неколку дена премина во ВМРО-ДПМНЕ заедно со голем број членови на партијата, посочи дека претседателот на Интегра, Љупчо Ристовски се однесувал како да е „спасител“, односно „месија“, а притоа во партијата се случувале многу сомнителни работи пред сè од финансиски аспект.

Никој во претседателството не знаеше од каде се финансира партијата, никој не знаеше какви зделки се склучуваат во име на партијата. Сето тоа беше под негова капа и во најголема тајност водено. Мене ме избраа за претседател на Републичкиот штаб и воедно потписник на изборната сметка. Пазете изборниот законик вели се отвара изборна сметка и сите плаќања кои се поврзани со изборната кампања одат преку таа сметка. Јас ниту знам дали имало и колку пари имало во таа сметка, ниту имам потпиѓшано една фактура од таа сметка, нити пак знам од каде се тие пари. И на крај кога побарав дека треба тој финансиски извештај кој се поднесува 20-тиот ден до ДИК, до Државниот завод за ревизија, до ДКСК ми беше одговорено дека тоа не е моја работа. А јас сум формално еден од потписниците на таа сметка. Јас ниту сум видел состојба на сметка, ниту за што се употребени парите ниту каде се отидени, рече Зафировски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.