Ова не е бран, ова е цунами – состојбата со коронавирусот сериозна и во Гостивар, алармираат здравствените работници. Градот велат, го живее најлошиот период од почетокот на пандемијата. Болничките капацитети се полни, речиси сите хоспитализирани се со тешка клиничка слика и на кислородна поддршка, пренесува „Алфа“.

И во овој регион процентот на смртност е висок, вели доктор Наумовски. Една од главните причини е што заразените почнуваат да се лечат дома, па откако ќе им се влоши состојбата доаѓаат на лекар, но, веќе е доцна.

После Скопје, состојбата со вирусот е најлоша во тетовско-гостиварскиот регион. Здравствените работници сметаат дека овде се потребни поригорозни мерки,па дури и карантин, за да се смири динамиката на ширење на заразата. Но, надлежните засега, не гледаат потреба за вакви мерки.

Болниците во Тетово и Гостивар се полни, персоналот мобилизиран и преморен работи со последни сили, но, Министерот иако не кажува конкретно дали и како помагаат, тврди дека состојбата била под контрола.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.