За нешто помалку од час и половина по подолго време на иста маса седнуваат лидерите на најголемите македонски партии СДСМ и ВМРО-ДПМНЕ, Зоран ЗАев и Христијан Мицкоски. Заев во својство на премиер и Микцкоски како лидер на опозицијата на са средбата ќе разговараат за најжешките прашања, прашањето за влада, темата со пописот, како и дијалог за законите кои се блокирани во собранието.

Од ВМРО-ДПМНЕ за „Република“ велат дека на лидерската средба настапуваат со искрени намери и желба да се изнајдат решенија за граѓаните.

Состојбата во државата е загрижувачка. Освен економската и здравствената криза, земјава се наоѓа и во политичка криза. Секојдневието во Македонија е триесетина мртви и над 1.300 новозаразени. Први по смртност, последни по вакцини во Европа и светот. Први по степен на корупција, последни по реформи. Очигледно е дека оваа Влада нема капцитет да ја води земјава, државата се наоѓа во деликатна и сложена состојба. Секој поминат ден е слободен пад и уште еден нов пораз. Граѓаните од политичарите очекуваат одговорност и преземање на крупни чекори, велат од партијата за „Република“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.