Најголемата опозициска партија ВМРО ДПМНЕ денеска повторно побара оставка од министерот за здравство Венко Филипче, кој, заедно со претседателот на Владата Зоран Заев ги сметаат за најголеми виновници за смртта на 1.071 починат пациент од ковид-19 во Македонија.

Во знак на сеќавање на починатите пациенти, ВМРО ДПМНЕ остави 1.071 каранфил пред Владата.

Секојдневната бројка на новозаразени и починати од КОВИД-19 алармира дека министерот за геноцид Филипче не е способен да ги заштити граѓаните. 12.002 активни случаи од ковид– 19 ја потврдуваат негрижата на Филипче за граѓаните, велат од ВМРО-ДПМНЕ.

Од партијата истакнуваат дека 1.071 починат не е само бројка, се работи за човечки живот, и затоа побара ведаш оставка од Филипче.

Во меѓувреме додека траеше протестот на ВМРО ДПМНЕ Министерството за здравство ги објави бројките на новозаразени и починати за денеска. Рекордни, 1.275 пациенти се заразени со ковид-19, а 13 ја загубиле битката со вирусот.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.