Во болниците низ Македонија, поради корона вирус се хоспитализирани вкупно 372 пациенти. Според податоците на Министерството за здравство, меѓу нив има и седум деца, коишто се сместени во болницата во Козле.

На Инфективната клиника вкупно се хоспитализирани 82 пациенти. На кислородна поддршка се 43 пациенти. Нема пациенти на механичка вентилација.

Во болницата во Козле хоспитализирани се 18 возрасни пациенти позитивни на Ковид-19, 7 деца позитивни на вирусот и еден пациент суспектен на вирусот.

Во ГОБ „8 Септември“ вкупно хоспитализирани се 83 пациенти. На респираторна машина се 3 пациенти.

Во болницата во Битола хоспитализирани се 18 пациенти, а во болницата во Штип – 41. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се 122 пациенти позитивни и сомнителни на Ковид-19.

Вкупната бројка на ковид-дијагностицирани во нашата земја од почетокот на епидемијата изнесува 12.840 лица. Бројката на оздравени пациенти е 9.361, на починати е 547, а во моментот бројот на активни случаи во земјата изнесува 2.932. Досега во земјата се направени вкупно 127.196 тестирања на Ковид-19.

Во моментов, најмногу заразени има во Скопје (953), Куманово (298), Гостивар (289) и Штип (260).



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.