Околу 18.000 евра од буџетот ќе бидат исплатени за советите на Александар Ружин и на Венко Андоновски. Синот на поранешниот дипломат Нано Ружин и познатиот писател се најдоа меѓу 39. надворешни советници од тимот на Зоран Заев на почетокот на годинава, а нивните ангажмани завршуваат на 31 декември годинава. Од „Илинденска“ за „Независен“ посочуваат дека нивниот ангажман е лична одлука на премиерот.

Месечниот надомест за Ружин за советите за „економска, социјална и културна соработка со државите на Бенелукс (Белгија, Холандија и Луксембург) и Франција е 50.000 денари. Андоновски, пак, месечно добива паушал од 40.000 денари за проектот со наслов:„Осмислување на  структурата и функцијата, изготвување и испитување конкретни можности на терен за отворање на државен Македонски центар за култура во Србија. Тој за „ИРЛ“ вели дека неговиот ангажман бил на негова иницијатива. Се работи за стара идеја, за која интерес покажала оваа влада.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.