Бранко Тричковски посвети Фејсбук статус за новинарите во Македонија, порачувајки дека нема новинари во земјата, нема што да се брани…

 

 

„Прашање е дали во Македонија има новинари.

Има луѓе кои мислат дека се новинари и кои работат работи кои во некои аспекти можат да се означат како новинарска дејност.

Но, дури и според најлабавите критериуми, квалификациите за оваа некогаш престижна професија, едвај би ги поминале десетина души и една ипол редакција“ пишува новинарот Бранко Тричковски во објава на Фејсбук, неколку часови по вчерашниот „настап“ на прес-конференцијата на ген-секот на Владата, Драги Рашковски, кој не даде одговори за скандалот со договарање тендер за италијанската „Леонардо“, но затоа потврди дека ќе туѓи новинари, медиуми, приватни лица и една колешка која е од руга политичка партија.

Прес конференцијата, но и изјавите на Рашковски од „протечената“ аудио-снимка од скандалозното, како што го оценија многумина, договарање тендер, наиде на осуда од АВМУ, МАН, ЗНМ… кои побараа да се почитува новинарската професија и кои посочија дека „ваквите постапки преставуваат директен притисок врз работата на медиумите’.

Но, според Тричковски, кој смета дека не е релевантно „Друштвото на новинарите, чиј статус, во ваква констелација, е крајно проблематичен“ во објавата на Фејсбук додава,

„Нас не носи инерцијата.

Така се случува луѓе или дури полулуѓе, кои во жестокоста на општата битка за доминација во моќта и со ресурсите, да се затечени или свесно исселектирани да бидат припадници на еднициците за специјална војна, момци и девојки со исплакнати мозоци, глупаци, корупмирани типови, рекетари и хохшптаплери залепени за тајните домашни и странски служби, да се третираат како новинари. Во општата перцепција на јавноста и од страна на Друштвото на новинарите, чиј статус, во ваква констелација, е крајно проблематичен, да не речеме лажен и бесмислен.
Постојано некого бранат.

Геровски, Мицковски, еве денеска и типовите и редакцијата што решил да ги тужи Рашковски. Со право, макар и со еден дефект затоа што тој како и целата влада и општа власт заедно со јавноста, цело време одбиваат да ги разберат и сфатат и адекватно да реагираат на овие укажувања за состојбите во таканаречената медиумска сфера, кои се погубни за општеството и на кои, можеби, и пречесто укажувам.

Размислете околу тоа како таа атомска бомба на квазиновинарството, тоа отровно јадро, тој македонски Чернобил, да се декомпонира, а не да се спасува и штити, па уште и под паролата за критички став кон власта и политиката. Па, за да имате критички став, прво треба да имате став, па да имате новинарство и новинари.

Неверојатно е како луѓето, а и институциите функционираат врз основа на шемата која не им дозволува да ги согледаат и совладаат промените во животот, напиша Тричковски на Фејсбук.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.