Недозволиво е министер да изрази незадоволство против судска одлука, смета извршаната директорка на коалицијата „Сите за правично судење“ Натали Петровска откако министрите Бојан Маричиќ и Љупчо Николовски негодуваа што судии од Апелацискиот суд ја прифатиле понудената кауција од 11 милиони евра за Сашо Мијалков да се брани од слобода.

„Маричиќ ги тера судиите да го кршат законот“: Според Калајџиев – линч е министерот да ја коментира одлуката за Мијалков

Петровска за „А1он“ вели дека тоа е мешање во судската власт, која е самостојна и независна. Одлуките на судиите може да ги контролира повисок суд, но не и министрите од владата.

Одлуката на Апелација се уште не е јавно објавена. Она што е уште полошо е што одлучуваат тројца судии со тајно гласање, а министерот за правда Бојан Маричиќ прстот го впери во двајца, што укажува дека знаел кој бил за ослободување на Мијалков, а кој бил против.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.