Генералниот секретар на Алијансата за Албанците, Арбен Таравари, најави дека заедно со коалицискиот партнер Алтернатива в понеделник ќе одржат протестен марш со пораката „Доста е“ за да го изразат револтот против „злоупотребата на гласовите и полнење на кутиите на изборите од страна на ДУИ“.

Тој најави дека протестите со мотото „Избори ДА, крадење НЕ“, ќе почнат во понеделник во 18 часот од паркот во Чаир во Скопје и ќе ги организира коалицијата Алијанса-Алтернатива.

Според него, извршена е брутална кражба на гласови во албанскиот блок, поради што поднеле жалби до Управен суд за изборни прекршувања во петтата и шестата изборна единица.

Тој вели дека не очекува да да бидат прифатени бидејќи, како што обвини, во судот има судии блиски до ДУИ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.