Судењето за организаторите на настаните од 27 април во Собранието треба да продолжи денеска со сослушување сведоци предложени од одбраната на поранешниот собраниски спикер Трајко Вељановски, откако претходното рочиште одржано на 26 август заврши со презентирање на материјалните докази.

Во судницата денеска се очекува да бидат сослушани 15 пратеници, меѓу кои Трајчо Димков, Иван Стоилковиќ, Љупчо Димковски, Љиљана Кузмановска, Драган Данев, Панче Минов, Благоја Деспотовски и други.

На предлог на поранешниот собраниски спикер Трајко Вељановски, на последното рочиште на 26 август беше презентиран видеозапис од продолжението на конститутивната седница на Собранието на 27 април 2017 година.

Случајот се наоѓа во доказна постапка и го води судијата Илија Трпков.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.