Носителот на листата на коалицијата „Обнова на Македонија“ во шестата Изборна единица, Дафина Стојаноска денеска во рамки на предзиборните активности положи цвеќе на споменикот на народниот херој Чеде Филипоски-Даме во Гостивар и се осврна на важноста на македонската историја во периодот на НОБ и АСНОМ.

Чеде Филипоски Даме со само 22 години се запиша во македонската историја со златни букви. Денес, ние од пред неговиот споменик се обврзуваме дека АСНОМ, македонската историја и нејзините херои никогаш нема да ги заборавиме ниту порекнеме, рече Стојаноска во обраќањето.

Таа во рамки на предизборната кампања денеска ќе се обрати и на митинзите на коалицијата „Обнова на Македонија“ во општините Јегуновце и Брвеница, а во вечерните часови ќе оствари средби со граѓаните низ неколку гостиварски населби.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.