Отворањето на Поглавјето 23, во рамки на прегворите на Македонија со ЕУ, беше во фокусот на денешната средба во Скопје меѓу министерот за правда Бојан Маричиќ и евроамбасадорот Самуел Жбогар.

На средбата, Маричиќ потенцирал дека неговата главна мисија во Министерството за правда е градење на независно и непристрасно правосудство.

Тој ја презентирал својата стратегија и агендата на Министерството за правда и потенцирал дека за сите реформи во областа правда ќе бара поддршка и соработка од Европската Унија. Маричиќ, информираат од неговиот кабинет, истакнал дека очекувањата на јавноста за зајакнување на одговорноста и транспарентноста, како и за подинамично постапување на обвинителството и судството се приоритет, како и предизвик за исполнување на неговата агенда.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.