Со оглед на реакциите на социјалните мрежи и во јавноста, земајќи ги во предвид и впечатоците од јавната дебата на „Roma News” на ден 14.11.2021 година, како Синдикат на полиција во Македонија, го нагласуваме нашиот став кој и претходно е објавен од наша страна, а тоа е дека:

– Осудуваме секаков говор на омраза заснован на етничка, расна, политичка и било каква друга основа.
– СПМ во нити еден момент не одобрува нити подржува поделба на граѓанството на Македонија по било која основа или било која причина.
– Синдикат на Полиција во Македонија целосно се оградува од ставовите изнесени и кажани на вчерашната дебата во “Roma News” изнесени од претседателот на НСП Тодев.

Првенствено како припадници на МВР, го почитуваме Уставот со сите закони произлезени од него, посебно важен за нас како полициски службеници – Кодексот на полициска етика и следствено на тоа, почитување на сите граѓани на републиката како еднакви.

По тој повод, апелираме до нашето членство, до сите вработени во МВР, но и до граѓаните на Република Македонија припадници на сите националности, да се воздржат од говор на омраза, од поделби по било која основа, бидејќи само така ќе изградиме меѓусебна доверба, најнапред како граѓани, а потоа и како припадници на МВР.

Нашите залагања и работа како Синдикат се насочени кон остварување и подобрување на правата на работниците во МВР, а како резултат на тоа залагање и кон подобрување на безбедноста, редот и мирот на граѓаните и зголемување на довербата помеѓу полицаецот и граѓанинот.

Да потсетиме на нашето мото:

„ВРАЌАЊЕ НА ДОСТОИНСТВОТО ВО ПОЛИЦИЈАТА”

А со тоа и враќање на довербата на нашите сограѓани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.