Собранието го изгласа Предлог-законот за спречување и заштита од дискриминација, во прво читање.

Kако што изјави министерката за труд и социјална политика, Јагода Шахпаска, oва законско решение е од суштинска важност за граѓаните.

Потрошивме многу време изминативе години во поделби, дискриминација, стигматизирање кои не носат добро никому и ги кочат нашите чекори напред. Ова решение е истото кое беше во законодавниот дом пред две гоини помина низ долг консултативен процес и кое доби зелено светло и од меѓународни експерти вклучително и Венецијанската комисија – изјави Шахпаска.

Според министерката, новото законско решение ќе овозможи целосно приближување до меѓународните стандарди, а нашите граѓани ќе добијат соодветна правна заштита.

Формирање на професионална Комисија за спречување на дискриминација. Комисија ќе биде составена од 7 члена.Тие ќе го претставуваат составот на општеството во целина. Членовите на комисијата треба да имаат минимум 7 години работно искуство од областа на човековите права, од кои 5 години во областа на еднаквост и недискриминација. Комисијата носи заклучоци, преорачува постапки за отстранување на повредите на правото. Со Законот се воведува тужба за дискриминација од јавен интерес. Ќе ги штити лицата кои се дискриминирани по која било основа – изјави Шахпаска.

Пратеникот од ВМРО-ДПМНЕ, Александар Николоски, истакна дека ќе дадат поддршка да се пристапи кон усвојување на овој закон.

Значајно е што покрај, условно кажано, во делот на казни се работи во делот на превенција. Мора да ја креваме свеста кај општеството за овие прашања, заеднички да работиме на превенција од дискриминација без разлика по која основа е – изјави Николоски.

Маја Морачанин од ДОМ изјави дека со овој закон се овозможува заштита од дискриминација што е напредок на човековите права.

Сега за првпат во нашето законодавство во овј закон сексуалната ориентација и родовиот идентитет се наведени експлицитно како основи за диксриминација и сметам дека ова навистина многу ќе придонесе за заштитата и спречување на дискриминацијата на една од најмаргинализираните групи во нашето општество, а тоа се ЛГБТ. Навистина ми е драго што и по ова прашање има консензус – изјави Морачанин.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.