Откако премиерот Зоран Заев не прифати заедно со претседателските да има и предвремени парламентарни, ВМРО-ДПМНЕ инсистира што поскоро да има предвремени парламентарни избори. Ова го најави генералниот секретар на ВМРО-ДПМНЕ, Игор Јанушев, гостувајќи во емисијата Фактор на Телевизија 24.

-Сега сме насочени кон голема победа на претседателските избори, а потоа не се откажуваме ниту од предвремени парламентарни избори, изјави Јанушев.

На новинарското прашање дали ќе ги добијат гласовите од Албанците на претседателските избори, Јанушев одговори:

Дали и вие верувате дека шириме антиалбанска политика, ние спориме со начинот на кој е донесен Законот за јазиците, го донесоа на начин спротивен на Уставот, ние дадовме забелешки и ако ги слушнеа и одговореа на нив ќе имаше поинаква ситуација.

Според генералнсиот секретар на опозиционата партија Заев знае дека ја губи поддршката кај Македонците и манипулира со Албанците, а тоа ќе им се врати како бумеранг и тоа сега на претседателските избори. Тоа е и причината поради која тој верува во победа.

-Заробена држава и заевизмот е ментална работа, имаме девастирање на македонското општество, владеење на правото е мисловна именка, не функционира ништо во државата – вели Јанушев кој категоричен дека не постои алтернатива и дека нивната кандидатка Гордана Силјановска ќе победи на изборите.

Тој нагласи дека граѓаните очекуваа патишта, инвестиции, докторите 100 илјади денари плата… не добија ништо. Граѓаните, коментира тој, гледаат и ќе ги казнат.

Според него бојкот не е никаква варијанта.

-Ниту посакуваме, ниту мислиме дека ќе има бојкотот. Ние имаме одличен кандидат и убедени сме и дека Силјановска ќе биде најдобриот претседател што го имала Македонија. Со неа почнува падот на заевизмот, почнува градењето на правото и правдата. Тоа треба да го добие Македонија и верувам дека ќе го добие тоа ба да го добие, заклучи Јанушев.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.