Со половина милион евра изделени за годишнина на Рамковниот можеме да организираме Евровизија 2021

ЕДНО ОПШТЕСТВО ЗА СИТЕ ПОЛОВИНА МИЛИОН ЕВРА – анализира Иван Стоилковиќ, претседателот на Демократската партија на Србите во Македонија.

Неговиот Фејсбук статус го пренесуваме во продолжение:

Исечокот од сликата што можете да ја видите е од прегледот на Фондацијата за демократија на Вестминстер, која секоја година прави преглед и анализа на новиот Буџет во споредба со буџетот од претходната година.

Но кога внимателно ќе го погледате предлогот за оваа година освен оние традиционални пресипи од шупљо во празно ставки со плус минус вредности од 5 до 20 проценти, онака упадливо боде очи зголемувањето на ставката број 12 за обележување на годишнината на РАМКОВНИОТ ДОГОВОР за 6.567 проценти или вкупната сума изнесува половина милион евра, пари со кои сосема слободно би можело да се организира евровизиското натпреварување за 2021 година. Не би сакал да глумам популизам и да кажувам каде се приоритетно се потребни пари во државата, но…

Може да се види и дека ставката број 11 за промоција на меѓуетничките односи е намалена за 16,67 проценти, а ставката број 13 за унапредување на односите помеѓу заедниците е намалена за 100 проценти и изнесува нула денари. Во ставката број 14 избришани се и доведени до нула средствата на ИНФО центарот за унапредување на односите помеѓу заедниците.

Навистина ЕДНО ОПШТЕСТВО ЗА ПОЛОВИНА МИЛИОН ЕВРА!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.