Долгогодишниот снимател во албанската редакција на Македонската радио телевизија, Шенол Ахмети, вчеравечер ја загуби битката со ковид-19. Тој бил хоспитализиран минатата недела, а состојбата рапидно се влошила последните неколку дена поради што бил приклучен на респиратор.

Ахмети имаше 51 година, а неговите колега велат дека претходно немал сериозни здравствени проблеми. На социјалните мрежи пријателите се збогуваат од човекот кој својата кариера ја посвети на МРТВ, каде што работеше повеќе од 20 години.

Вечева и ние изгубивме еден колега, еден член од нашето семејство, велат од МРТ.

Пред точно еден месец, 44-годишниот Беким Бајрамоски, вработен во локалната телевизија „Спектра“ во Лабуништа почина од Ковид-19.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.