Кандидатката за Претседател на Република Македонија од ВМРО-ДПМНЕ, Проф – Др. Гордана Силјаноска Давкова, денеска разговараше со ИК на Унијата на жени на ВМРО-ДПМНЕ, а се сретна и со Претседателката на Унијата на жени на ВМРО-ДПМНЕ, Благица Ласовска.

Силјаноска Давкова во  своето обраќање и на редовната седница на Централниот Комитет на Унијата на жени на ВМРО-ДПМНЕ на која присуствуваше и Претседателот на ВМРО-ДПМНЕ, Христијан Мицкоски, ги презентираше своите идеи и гледишта  во пресрет на претстојните претседателски избори.

Таа рече дека на државата веднаш и се потребни  промени, како и владеење на  правото и демократијата,  кои во моментов  се нарушени од страна на власта и потенцираше дека во име на честитоста на Република Македонија неопходни се почитување на Уставот,  законите и враќање на правната држава.

Силјановска рече дека за својата кампања ќе ги користи сите демократски средства на водење на изборна кампања, а  на крајот заедно со ВМРО-ДПМНЕ и граѓаните на Република Македонија ќе извојува огромна победа на претседателските избори во април и  со тоа ќе се најави крајот на владеењето на СДСМ со државата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.