Министерот за надворешни и европски работи на Големото Војводство Луксембург, Жан Аселборн, денеска ќе престојува во посета на земјава на покана на шефот на дипломатијата Никола Димитров.

Како што соопшти МНР, посетата се реализира во пресрет на дискусиите на мартовскиот Совет за општи работи на ЕУ, при што фокус на разговорите ќе биде ставен на очекувањата и изгледите за донесување на одлуката за отпочнување пристапни преговори со ЕУ.

Аселборн ќе биде запознаен со испорачаните суштествени и одржливи реформски резултати во клучните области идентификувани во заклучоците од јуни 2018 година на Советот на ЕУ, што беше потврдено и во неодамнешниот вонреден извештај од Европската комисија, во кој е констатирано дека ЕК стои зад својата препорака за почеток на преговорите со земјата, се наведува во соопштението.

Во рамки на посетата, предвидено е министерот Аселборн да биде примен и од страна на претседателот Стево Пендаровски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.