СДСМ како одговорна партија, во наредниот период со уште поголема верба и мотивираност ќе работи да ги донесе европските стандарди дома, во нашата татковина, велат од владејачката партија.

Во соопштение испратено до медиумите се наведува дека СДСМ се обврзува следната година, но и годините по неа да а реализира новата стратешка рамка на Владата „Акција 21 – за европски стандарди дома“, која опфаќа 10 приоритети.

Прв приоритет е правосудството и негово прочистување со цел обезбедување на силна и  ефикасна правна држава која испорачува правда. Приоритет е и бескомпромисна и неселективна борба против корупција. Истовремено, се обврзуваме на силна, бескомпромисна борба за заштита на животната средина. 2021 година ќе биде година на конечно запирање на ширењето на КОВИД-19 и санирање на штетите од глобалната криза. Веќе е реализирана уплата за 833.000 во рамки на Ковакс механизмот, а стигнуваат и добри вести од нашите соседи, околу набавка на нови вакцини, во исто време кога ќе пристигнат од ЕУ. Преку индустријата за одгледување канабис за медицински цели и за производство на продукти од оваа билка, светските и европски стандарди во новите економски можности ги носиме дома, велат од партијата.

Меѓу десетте приоритети од „Акција 21“ се и спроведување попис , вложувања во енергетиката и инфраструктурата, борбата против лажните вести, реформи на образовниот систем, како и искористување на нови економски потенцијали.

Граѓаните заслужуваат да живеат во држава со европски стандарди, затоа ја носиме Европа дома, за подобар живот за секој граѓанин, пишува во соопштението на СДСМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.