Одговорниот и транспарентен пристап на СДСМ ја трансформираше полицијата во вистински заштитник на граѓаните, велат од СДСМ.

Тие се пофалија дека во континуитет инвестирале во подобрување на условите за работа, што придонело ува денес да има високо мотивирана полиција која ефикасно и неселективно се справува со секој вид на криминал.

За овие четири години реконструирани се 58 објекти на Министерството за внатрешни работи, а изградени и во фаза на градба се неколку објекти за потребите на МВР. Континуирано се вложува и во набавка на нова опрема. Само во овој период набавени се 8.000 чевли, нови униформи за единицата за брзо распоредување и интервентната полиција, набавени се 40 нови дрегери, како и нови радарски системи. Сите овие инвестиции придонесуваат за поефикасна работа на полицијата и намалување на стапката на криминалот. Во првото полугодие од оваа година бележиме пад на криминалот за 10,8 отсто споредено со истиот период лани. Овој ефикасен пристап резултира со постојан раст на довербата на граѓаните кон полицијата која денес е вистински чувар на законите и правниот поредок, стои во нивното соопштение.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.