Сашо Велковски: Во Свети Николе сеуште нема заболени од коронавирусот, лицето потекнува од Општина Лозово

Градоначалникот на Свети Николе, Сашо Велковски на социјалните мрежи објави дека лицето заболено до коронавирус кое денеска беше соопштено дека потекнува од Свети Николе, потекнува од Лозово.

Се известуваат граѓаните на општина Свети Николе дека согласно последните информации за заболени лица од Ковид-19 каде се споменува лице дека е заболено од Свети Николе, Ве информирам дека се работи за лице од општина Лозово за кое е издадено решение за самоизолација.

Со ова, во општина Свети Николе сеуште нема заболени лица од коронавирусот.

И понатаму сугерирам на граѓаните да се придржуваат на мерките и препораките од Владата , Министерството за здравство и Кризниот штаб на општина Свети Николе за превенција и заштита од коронавирусот.